- حمدوك القومة للوطن لم تأتى في وقتها
- هل يصلح حميدتى ما افسده الدهر
- شابتان تنحلان صفه منسق الحرية والتغيير بأ مدرمان لمده شهر
- ماذ يدور خلف كوليس وزاره التجارة
- الصفوف الى اين مع الكورونا
- د / حمدوك القومه للوطن نقف خلفها لكن النقول الناس دى كان جمعت ( خرتمية مليار) في الاخر هو جنيه تعبان ولا ما اكضب عليك ميت عدييييل كده مضروب قبل تجيهو الكورونا الموارد كان تكون بالدولار ونقول نص الشعب دفع كل مواطن بسيط دفع دولار بس اقل شى حايكون عندك عشرين مليون دولار ووبعد داك رجال الأعمال والتجار صدقنى كان ممكن يكون مبلغ ضخم يتعدى ثلاثين مليون دولار .
- هل يسطيع حميدتى ان يصلح ما افسده الدهر وأكل عليه سدنه النظام السابق بعد توليه للجنه الاقتصاديه صراحة المواطن السودانى فتر من التجارب وتقبل كل المصائب من هنا وهناك حتى اصبح مافيه حيل (للمجباده) (دحين ياحميدتى السودان ده عاوز كاش )ضخ فيه دولار كلو (فسسسس) بنزل براه أحزم وسعر وصادر اى زول مخزن مواد تموينية وككل المخازن تتفتح ووتتباع للموطن بالسعر المعلن ويستلم قروشه بنفسو انتو حددو الأسعار والمواطن براهو بجيب ليك خبر اى مخزن وتانى زول بخزن مافى .
- بطنى وجعتنى من الضحك و الألم في ان واحد شابتين من زمن الفوضي ونيام السادة ( الحريه والتغيير ) واحده مشت محليه ابوعنجة الإداريه التانيه مشت الموردة وعرفو نفسهم انهم منسقى الحريه والتغير ورحب بهم وادو كل واحده مكتب وترحيل و (حاجات تانيه حامينى ) لمده شهر أو زياده وكمان كونوا لجان المقاومة لعدد كبير من أحياء امدرمان اها بعد داك طلعو لا حرية ولاتغيير ولا علاقة لهم بهم ناس الحرية (الينا) طلعوا بيان قالوا الناس ديل ما تبعنا يارب ( يكونو تبع منو) مثال بسيط لجنه واحده بها مدانان فى قضيه مخدرات ولجنه تعدت على المال العام سؤال ل(الحرية والتغير امدرمان ماهو الاجراء الذى تم اتخاذه )
- وبجيكم تأنى (صادى)
- مايحدث الأن في وزاره التجارة هو مهزلة بكل المقايس سيد مدنى (أنت عاوز تعمل شنو) فى وزارة ليها مائة سنة شغالة بسستم شيلنى واشيلك وزارة التجارة اخى الفاضل (بح ايوه بح) لا قديم يذكر ولا جديد يعاد ونتحدث بكل شفافية ووضوح أنت عاوز تحارب ناس الصادر تمام وقف الصادر نهاااااااااااااائى لكن الاستيراد مكون ليه لجنة عشان تنظر في الفواتير ومن ثم تقرر تكمل الاجراءت المصرفية.. ولالا ده إجراء غلط وتخبط واضح ليس له مثيل أنت مسؤول عن الارضيات والتأخير والخسائر للتجاره أنت مسؤول امام الله قبل الموطنيين اصدار قرار فورى تخليص وافراغ الموانى من البضائع وبعد دك اصدر اى قرار في راسك مش جاى قايم سدارى رووووق ياعباس عشان التجار ديل لو رفعو عليك قضيه (بالقانون) انت مدان بتكسير مجاديف التجار .
- لا زلت أزمة المواد البتروليه والخبز رغم زيادة الأسعار كل يوم عن الذي قبله وبات التحرك بالارجل صعب ناهيك عن العربات ان الذي يحدث الان هو كارثه بكل المقايس وان لم يتم تدارك الامر هي الفوضى بلا شك (دحين )من الافضل تدارك الامر قبل فوات الاون ورفع الدعم عن اى شى حتى الدواء .
- فتحت الجمارك السيارات بوكو حرام ينطبق عليه المثل (( عايره وادوها سوط(((لافى شوارع ولا في بنزين المفترض كل العربات دى تتقطع وتباع قطع غيار مش افتح في الطين .
- مبادرات من شباب حفظهم الله بالبسيط اتعاونوا وصنعوا معقمات شالوا هم اكبر منهم لكم الله شباب بلادى ورجال الاعمال ماقصرو تب وحقيقة كل الناس عملت من أجل سودان يسع الجميع نرفع القبعة لكل من فكر ودبر ودفع وانتج وشال وخط ولو بالراى عشان يدعم انسان مريض او يقئ انسان سليم المرض يلا سو نسوى سودان العزة والكرامة
- ناس الامن الاقتصادى الوضع ده عاجبكم كده
- الجمارك جاكم زول ابقو خفاف
- ولى عوده بحول الله
abc_3010@hotmial. Com
التعليقات مغلقة.